your ad here

Blefarospazm

Blefarospazm (yun. βλέφαρον – göz qapağı və σπασμός – spazm) — gözün dairəvi əzələsinin hər hansı anormal daralması.

Blefarospazm miokimiya və ya fassikulyasiya kimi tanınan göz qapaqlarının daha çox yayılmış və daha yüngül qeyri-iradi titrəməsindən ayırmaq lazımdır. Əksər hallarda blefarospazm simptomları bir neçə gün davam edir və sonra müalicə olunmadan yox olur, lakin bəzi hallarda seğirmələr xroniki və qalıcı olur və ömürlük problemlər yaradır. Blefarospazm 2 növ olur: essensial (əsas) və reflektor. Xoşxassəli əsas blefarospazm (BEP) fokal distoniyadır, göz ətrafında qeyri-iradi və davamlı əzələ daralmalarını əhatə edən nevroloji hərəkət pozğunluğudur. Dəqiq səbəbi bilinmir, lakin yorğunluq, stress və ya qıcıqlandırıcılar səbəb ola bilər. Blefarospazm bəzən xoşxassəli fasikulyasiya sindromunun bir hissəsidir.

Müalicəsi

Blefarospazmın müalicəsində botulinum toksin enyeksiyonlarından istifadə olunur. Botulinum toksin inyeksiyaları lokallaşdırılmış, qismən iflicin yaranmasına səbəb olmaq üçün istifadə edilir. Ən çox əziyyət çəkənlər arasında botulinum toksin inyeksiyası üstünlük verilən müalicə üsuludur. Miektomiya kimi tanınan cərrahi prosedur da faydalı ola bilər.Dərmanlara və ya botulinum toksin inyeksiyalarına yaxşı reaksiya verməyən insanlar cərrahi müalicəyə namizəddirlər. Ən təsirli cərrahi müalicə göz qapağının bağlanmasına cavabdeh olan əzələlərin çıxarılması olan protraktor miyektomiyasıdır. Bleforaplazmın yeni müalicə üsulları daim sınaqdan keçirilir.

Simptomları

  • Bir və ya hər iki gözün həddindən artıq qırpması və spazmı – tipik qırpma refleksindən daha uzun müddətə qeyri-iradi göz qapaqlarının bağlanması ilə xarakterizə olunur.
  • Göz əzələlərinin və ətrafdakı üz nahiyəsinin idarəolunmaz daralması və ya qıyılması. Bəzi xəstələrdə buruna, üzə, yanaqlara, bəzən isə boyun nahiyəsinə yayılan seğirmə simptomları olur.
  • Gözlərin quruluğu
  • Günəşə və parlaq işığa həssaslıq

Yaranma səbəbi

Blefarospazmın bəzi səbəbləri müəyyən edilmişdir; lakin bir çox blefarospazm hallarının səbəbləri hələ də məlum deyil. Blefarospazmı olan bəzi insanlarda quru gözlər, işığa həssaslıq və yorğunluq olur. Xəstələr simptomlar başlamazdan əvvəl heç bir göz problemi olmadığını bildirirlər.

Bəzi dərmanlar (Parkinson xəstəliyini müalicə etmək üçün istifadə edilənlər, həmçinin menopozdan keçən qadınlar üçün estrogen əvəzedici terapiya da daxil olmaqla hormon müalicələri) blefarospazma səbəb ola bilər. Benzodiazepinlərin uzun müddət istifadəsi blefarospazma səbəb ola bilər və blefarospazmın inkişafı üçün məlum risk faktorudur. Blefarospazm həmçinin beynin bazal qanqliyalarının anormal fəaliyyəti nəticəsində də yarana bilər. Eyni vaxtda quru gözlər və Meige sindromu kimi distoniyalar müşahidə edilir. Blefarospazm başın arxasına vurulan zərbənin bazal qanqliyalara zərər verdiyi bəzi nadir hallarda beyin sarsıntısı nəticəsində yarana bilər.

Dağınıq skleroz blefarospazma səbəb ola bilər.

your ad here

Check Also

Isemik insult

İşemik insult

İşemik insult Table of Contentsİşemik insultTəsnifatXBT-10 üzrə təsnifatEtiopatogenetik təsnifatPatofiziologiyaDiaqnostikaDifferensial diaqnostikaƏlamət və simptomlarıRisk AmilləriModifikasiya edilə bilən risk …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir