Ceyhun Bayramov Rusiya Prezidentinin xüsusi nümayəndəsi ilə görüşüb - QIA.AZ

Ceyhun Bayramov Rusiya Prezidentinin xüsusi nümayəndəsi ilə görüşüb – QIA.AZ


Ceyhun Bayramov və Rusiya Federasiyasının Prezidentinin beynəlxalq mədəniyyət əməkdaşlığı üzrə xüsusi nümayəndəsi Mixail Şvıdkoy arasında görüş baş tutub.

Xarici İşlər Nazirliyindən QİA.AZ-a verilən məlumata görə, görüşdə tərəflər Azərbaycan və Rusiya əməkdaşlıq gündəliyinin humanitar və mədəniyyət sahəsində əməkdaşlıq məsələləri üzrə fikir mübadiləsi aparıblar.

Gələn il iki ölkə arasında diplomatik münasibətlərin qurulmasının 30 illiyinin qeyd ediləcəyi diqqətə alınaraq, bu xüsusda müvafiq tədbirlərin həyata keçirilməsinin əhəmiyyəti vurğulanıb.

Tərəflər, həmçinin regional məsələlər və qarşılıqlı maraq doğuran digər məsələlər ətrafında fikir mübadiləsi aparıblar.



https://qia.az/ceyhun-bayramov-rusiya-prezidentinin-xususi-numay%C9%99nd%C9%99si-il%C9%99-gorusub/